Sofra Iftarit organizuar nga Shoqata Istanbul e cila shtrohet gjatë muajit të shenjtë të Ramazanit u rikthye në mesin tonë.
Një sofër tradicionale e shtruar prej vitesh, ajo mbledh çdo vit komunitete besimtarësh myslimanë, të ftuar nga komunitete të tjera fetare dhe të ftuar nga pushteti lokal dhe qendror.
Sofra e parë e iftarit u shtrua për stafin e Shoqatës Istanbul dhe Medreseve. Ajo i paraprin shtrimit të iftareve përgjatë gjithë muajit të Ramazanit.
Kryetari i Shoqatës Istanbul u uroi mirëseardhjen të pranishmëve si dhe u uroi mbarë besimtarëve myslimanë agjërim të lehtë dhe të pranuar.
Shoqata Istanbul prej vitesh shtron iftare gjatë muajit të Ramazanit jo vetëm në qytetin e Shkodrës por edhe në qytetet e Tiranës, Mamurrasit, Pukës!
Kjo traditë pritet të vijojë edhe këtë vit. Shoqata Istanbul ju uron besimtarëve agjërim të mbarë të muajit të Ramazanit.