Përfundon Programi i Trajnimit “Akademia e të Rinjve Shqiptarë”

0
Want create site? Find Free WordPress Themes and plugins.

Është mbyllur me një ceremoni festive programi i dytë i trajnimit në kuadër të projektit “Akademia e të Rinjve Shqiptarë”, i organizuar nga shoqata “Istanbul” në partneritet me YTB (“Organizata për Turqit jashtë Shtetit dhe Komunitetet Mike”) dhe shoqatën ” Përpjekje”.

Për të dytin vit radhazi Shoqata “Istanbul” falë mbështetjes dhe bashkëpunimit të ngushtë me YTB, sjell këtë program trajnimi për të rinjtë dhe të rejat e qytetit të Shkodrës.

Në sferën e veprimtarive social – kulturore që shoqata “Istanbul” organizon në bashkëpunim me organizatat homologe, ky program është i një rëndësie të veçantë, pasi ka si grup të synuar, të rinjtë dhe të rejat, të cilët janë pjesa më vitale e shoqërisë. Programi synon sensibilizimin e kësaj kategorie për rolin që duhet të ketë në shoqëri dhe mbajtjen e saj larg fenomeneve negative.

Projekti “Akademia e të Rinjve Shqiptarë” konsiston në organizimin e një cikli seminaresh me karakter trajnues, ku trajtohen tematika të larmishme kulturore, fetare, filozofike e historike.

Këtë vit pjesëmarrësit e programit patën mundësinë të marrin informacion, të diskutojnë dhe të aftësohen rreth tematikave të trajtuara nga lektorë me përvojë si : Fitim Zekthi, analist i mirënjohur, Redi Shehu, opinionist dhe studiues, Dr. Mustafa Bajrami, teolog, Ergys Mërtiri, pedagog dhe sociolog, Armand Bora, regjisor i mirënjohur, Fitim Zekthi, analist dhe Agim Baçi, kritik letrar dhe studiues.

Aktivitetin përmbyllës e përshëndeti, kryetari i shoqatës “Istanbul” z.Ridvan Seferaj, i cili me këtë rast shpërndau edhe certifikatat për pjesëmarrësit në program.

Pjesëmarrësve të programit trajnues, në kuadër të projektit “Akademia e të Rinjve Shqiptarë” do t’u jepet mundësia të vizitojnë për disa ditë Turqinë dhe të njihen nga afër me historinë, kulturën dhe traditat e këtij vendi mik për Shqipërinë dhe shqiptarët.

Did you find apk for android? You can find new Free Android Games and apps.
Share.

Comments are closed.

Banka Kombëtare Tregtare (LEKË): Numri i Llogarisë : 410139728 IBAN : AL39 2055 1106 1397 29CL TJCL ALLE
Banka Kombëtare Tregtare (EURO): Numri i Llogarisë : 410139728 IBAN : AL17 2055 1106 1397 28CT LJCF EULA
Banka Kombëtare Tregtare (DOLLAR): Numri i Llogarisë : 410139728 IBAN : AL50 2055 1106 1397 28CT LJCF USDE
KODI SWIFT: NCBAALTXXX