Si çdo vit, Shoqata “Istanbul” ka vazhduar shpërndarjen e pakove ushqimore për personat në nevojë në disa rrethe të Shqipërisë. Kjo ndihmë synon të lehtësojë sadopak nevojat bazë të familjeve dhe individëve më në nevojë, duke shprehur solidaritet dhe mbështetje për sfidat që ata përjetojnë.
Muaji i Ramazanit, i njohur si muaji i begatisë, mëshirës dhe solidaritetit, është zgjedhur për realizimin e këtij projekti, me qëllim jo vetëm ofrimin e ndihmës konkrete për kategoritë në nevojë, por edhe për të përcjellë një mesazh inkurajues për të gjithë ata që kanë mundësi të kontribuojnë për këto kategori.
Shpërndarja e ndihmave ushqimore për muajin e Ramazanit është një projekt i përvitshëm, i cili realizohet falë mbështetjes së Fondacionit Aziz Mahmud Hudayi nga Turqia dhe zbatohet gjatë këtij muaji të bekuar.
Shpërndarja e pakove ushqimore vazhdon gjatë gjithë muajit të Ramazanit, duke përfshirë rrethet Shkodër, Pukë, Berat dhe Mamurras.
