Me rastin e muajit të madhërueshëm të Ramazanit, ditën e martë, më 24 mars, shoqata “Istanbul” shtroi një yftar me zonja të nderuara të qytetit të Shkodrës e më gjerë.
Nderuan me pjesëmarrjen e tyre: znj. Zyliha Miloti, “Mjeshtre e Madhe” e humorit, deputetet znj. Edona Bilali, znj. Emilia Koliqi, znj. Greta Bardeli, Nënkryetarja e Bashkisë znj. Teuta Qyteza, Zëvendësrektorja e universitetit “Luigj Gurakuqi”, prof.dr. Blerta Dragusha, Drejtorja e ZVA- së, Shkodër znj. Brisela Kadija, Drejtuesja e qendrës “Lumturo dhimbjen” znj. Brixhida Muça, Drejtorja e Arsimit, pranë Bashkisë Shkodër, znj. Griselda Dama e shumë zonja të tjera të nderuara që ushtrojnë aktivitetin e tyre në fusha të ndryshme.
Në çelje të këtij yftari përshëndeti koordinatorja e Medresesë znj. Elona Sytari, e cila e vlerësoi këtë yftar si një bashkim të paqtë e plot vlera humane e qytetarie.
