Nën kujdesin e shoqatës “Istanbul”, po zhvillohet për të dytin vit radhazi, Kupa “Istanbul” në minifutboll. Ky aktivitet organizohet në kuadër të veprimtarive sociale e sportive, nën moton: “Respektoje Tjetrin”.
Është zgjedhur një aktivitet futbollistik për të përcjellë këtë moto, pasi sporti në përgjithësi, nxit dhe edukon tek të rinjtë, ndjenjën e respektit në përgjithësi, respektimin e rregullave dhe respektimin e kundërshtarit.
Marrin pjesë në këtë kupë 6 skuadra me përfaqësi nga institucionet në administrim të shoqatës “Istanbul”, anëtarë, aktivistë, partnerë, dhe dashamirës.
Kompeticioni do të zhvillohet me sistem pikëzimi, ku të gjitha skuadrat do të ndeshen me njëra- tjetrën dhe trofeun do ta fitojë ekipi që ka grumbulluar më shumë pikë.